Cristine Reyes, binalikan kung paano nagsimula ang relasyon nila ni Gio Tiongson

Lahat ng love story ay nagsisimula sa isang special moment at para sa relasyon nina Cristine Reyes at Gio Tiongson, nagsimula ito sa isang marriage booth noong nasa grade school pa lang sila. Matatandaan na kamakailan lang ay inanunsyo na ni Cristine ang engagement nila ni Gio nang mag-post siya ng ilang litrato mula sa bakasyon nila sa Hong Kong. Ngunit ang nakatawag ng pansin sa marami, ang makinang na singsing sa kamay ng aktres. Sa Fast Talk with Boy Abunda nitong Martes, May 26, ibinahagi ni Cristine ang kakaibang kuwento ng kanilang love story at kung papaano ito nagsimula.